Thaum kuv sau npe nyob rau ‘Kev kos npe yam xa hauv online mus’ (electronic signature) thiab nias lub twj ‘Xa’, kuv tso npe rau kuv tus menyuam los txais tej kev pab cuam los ntawm Minnesota qhov chaw saib xyuas nyiaj yug menyuam uas muaj nyob hauv txhooj cai Title IV-D of the Social Security Act. Thaum xa tawm daim foos no lawm, kuv nkag siab:
- Tej kev pab cuam uas muaj rau kuv thiab kuv lub luag haujlwm
- Kuv tso cai rau lub Minnesota qhov chaw saib xyuas nyiaj yug menyuam los siv txoj cai los nqis tes, txhawm rau kev pab rau tus menyuam uas kuv tso npe rau
- Lub Minnesota qhov chaw saib xyuas nyiaj yug menyuam muaj kev txiav txim tsim nyog los tsim tsa, nqis tes ua, thiab hloov daim ntawv txib kev yug menyuam
- Kuv yuav tsum koom tes nrog lub Minnesota qhov chaw saib xyuas nyiaj yug menyuam kom thiaj li txais tau lawv tej kev pab cuam, uas kuj yuav muaj xws li:
- muab tej ntaub ntawv hais tawm lossis sau tawm
- koom tes nrog kev kuaj roj ntsa seb puas yog menyuam niam menyuam txiv
- los ua ib tug timkhawv hauv rooj plaub txhawm rau tej kev thov pab yug menyuam, thiab
- qhia rau koom haum saib xyuas nyiaj yug menyuam paub txog tej yam uas hloov uas yuav cuam tshaum qhov txooj xwm kev pab yug menyuam
- Yog kuv tsis koom tes ces kuj yuav tau muab qhov khej kaw
- Lub nras tus kws lij choj tsuas sawv cev rau lub nras thiab lub State of Minnesota xwb, thiab tsis sawv cev rau kuv, tus txij nkawm sab tod, cov menyuam lossis lwm tus neeg saib xyuas tus menyuam
- Kuv muaj txoj cai los ntiav kuv ib tug kws lij choj thiab yuav xav ntiav thaum twg los tau
- Qhov txheej xwm pab rau menyuam kuj yuav mus tshawb fawb seb tej ntaub ntawv muab sau nyob rau hauv no puas muaj tseeb los ntawm tej yam uas raug cai, lawv kuj yuav tiv tauj cov niamtxiv, thiab siv tagnrho tej ntaub ntawv uas muaj los txiav txim seb yuav ua li cas tom ntej
- Lub Minnesota Child Support Payment Center (chaw tej nyiaj yug menyuam) yuav txais thiab them tagnrho tej nyiaj yug menyuam. Yog tias kuv yog ib leej niam leej txiv uas txais nyiaj yug menyuam, kuv tso cai rau lub Chaw no los sawv cev rau kuv them thiab txais txhua yam nyiaj, tshev, money order, lossis lwm yam uas lub zos tau txais los
- Yog kuv xav muab kuv khej nyiaj yug menyuam kaw, kuv yuav tsum sau ntawv mus qhia rau lub koom haum saib xyuas nyiaj yug menyuam paub lossis hais qhia tawm. Lub koom haum saib xyuas nyiaj yug menyuam tsuas txiav tau tej nyiaj yug menyuam yog tias kuv cov menyuam yeej tsis txais tej nyiaj pab cuam los ntawm tsoom fwv. Yog kuv muab khej no kaw, lub koom haum saib xyuas nyiaj yug menyuam yeej tseem yuav txais cov nyiaj uas raug them mus rau lub xeev lossis zos uas yog los ntawm tus menyuam ntawd.
- Kuv yuav tsum rov thim cov nyiaj uas them ntau tshaj uas txais yuam kev los ntawm lub Minnesota chaw saib xyuas nyiaj yug menyuam.
